(Last Updated On: )
ادا ہوندی رہندی وفا دی نماز
مِرے ساہ پڑھدے ثنا دی نماز
تسیں باغ وچ آئے ہو گئی ادا
کلی ، پھل ، تے بلبل ، ہوا دی نماز
جدوں آپ دی زلف نوں لیندی ویکھ
ادا ہو اے جاندی گھٹا دی نماز
وسایا نہ دل وچ جہناں مصطفی
پڑھن رب دی سونہہ اوہ سزا دی نماز
نبی دا تصور سدا رکھدا مست
ادا ہوندی رہندی گدا دی نماز
نبی تے خدا دی رضا آکھدی
نظر تیری نیتے حیا دی نماز
غماں دے مصلے تے اعجازؔ نین
کدوں آقا پڑھسن قضا دی نماز
