(Last Updated On: ستمبر 21, 2023)
اے نظر ویکھ ادب نال نظارا ہے صاف
دل چوں آقا دا نظر اوندا دوارا ہے صاف
کون کہندا کہ سمندر دا کنارا نئیں اے
جے نظر آپ دی ہووے تے کنارا ہے صاف
چن ترٹیا اے فلک دا تے کہیا اے یمنی
ایہ نبوت دا ، ابوجہل ، اشارا ہے صاف
آپ دا ذکر غذا بن گیا اے ساہواں دی
میرا ہر اک نوں نظر اوندا گزارا ہے صاف
کون آیا اے زمانے تے بہاراں آیاں
رمز، تلمیح ، کنائے دا ہنگارا ہے صاف
ہتھ نجومی نوں وکھاواں کیوں نعتاں لکھدا
ربّ کیتا تے مقدر دا ستارا ہے صاف
میرے اعجازؔ نبی بعد نبی اونا نئیں
ایس مقطعے دا تے مطلع بڑا سارا ہے صاف
