تبصرہ :محمد اختر شاکر ملک (خان پور )
تشنہ بہ لب خان پور کی تاریخ اس بات کی متقاضی ہے کہ اسے کوئی کریدے اورحق سچ لا کر لوگوں کے سامنے رکھے ۔ مجموعی طور پر قوموں کے لیے یہ اَلمیہ رہا ہے کہ تاریخ اپنے وجود کے اعتبار سے اپنے آپ کو منوانے کے باوجود کھرا سچ سامنے نہیں لاسکی ۔ تاریخ دانوں نے اپنے مطلب کے مطالب نکال کر تاریخ کا رُخ اپنی طرف موڑ دیا ۔ دوسرا ظلم اور زیادتی یہ ہوتی رہی ہے ہم نے دوسرے کے وجود کو کبھی تسلیم نہیں کیا ، دوسروں کے عیوب نکال کر انہیں برسرِ عام اُچھالا ۔ یہ اَحساس تک نہیں رہا کہ فریقِ مخالف کے دل پر کیا گزرے گی ۔ اس موقع پر مجھے ایک مشہور واقعہ یاد آرہا ہے ، سنائے دیتا ہوں ۔
’’ایک باپ نے غم سے نڈھال فرزند سے پوچھا : بچے کیا ہوا ؟ بیٹے نے گزری کہانی سنا دی ۔ کہاکہ ابا میں کئی سال محنت کی ایک تصویر بنائی ۔ میرا یہ خیال تھا کہ یہ تصویر سب سے نہ صر ف باکمال ہوگی بلکہ ممتاز و محترم بھی ٹھہرے گی ۔ میں نے یہ تصویر یہ لکھ کر شہر کے مرکزی چوک میں لٹکا دی کہ اس تصویر میں کمی کی نشاندہی کریں ، شام کو میں یہ دیکھ کر پریشان ہوگیا کہ تصویر بالکل نظر نہیں آرہی تھی اور ہر جگہ خامیوں کی نشاندہی کر دی گئی ہے ۔ میں اس لئیپریشان بیٹھا ہوں ۔
باپ نے بیٹے سے کہا : بیٹے آپ نے تحریر ہی غلط لکھی ہے ۔ایک اور تصویر بنائو اور اس پر یہ لکھ دو کہ تصویرمیں موجود غلطیوں کی نشاندہی کریں ۔ بچے نے دوبارہ تصویر بنائی اور اسی جگہ ٹانگ دی ۔ کئی روز گزرنے کے باوجود کسی نے کوئی نشان تک نہ لگایا‘‘ ۔
چھوٹے بھائی محمد یوسف وحید نے خان پور کی ۱۲۰ سالہ علمی ادبی اور صحافتی تاریخ پر مشتمل ‘ عمدہ اور بہترین کتاب ’’ خان پور کا اَدب ‘‘ لکھ کر اہالیانِ خان پور کے لیے بہت بڑ ا کام کیا ہے ۔ لاکھوں کی آبادی والے شہر میں ماسوائے ایک دو کے کتنے لوگوں نے اس پر قلم زنی کی ہے ۔
محمد یوسف وحید اس سے پہلے بچو ں کا رسالہ ’’ بچے من کے سچے ‘‘ شائع کر کے اہالیانِ خان پور کے دِلوں پر دَھاک جما چکے ہیں ۔ ان کے عزائم دیکھ کر لگتا ہے کہ مستقبل میں یہ اپنی تخلیقات کے ذریعے ایسے کام کریںگے جو شاید کسی نے نہ کیے ہوں ۔
’’اللہ کرے زورِ قلم اور زیادہ‘‘
اخلاص کے ساتھ
محمد اختر شاکر ملک ( خان پور)
ہڑپہ اور موہنجو داڑو کے مقامات سے ملی تختیوں کی لکھائی کو اب مصنوعی ذہانت سے پڑھا جائے گا
ترجمہ و تلخیص: قدیر قریشی مارچ 25، 2024 وادیِ سندھ کی تہذیب کو میسوپوٹیمیا (جدید عراق کا علاقہ) اور مصر...