(Last Updated On: دسمبر 20, 2021)
شبیر ابنِ بے رنگ ( نواں کوٹ )
بحر نُما
سیّد فاروق احمد شاہ دا حال کراں تحریر اے
ہا سُلطان الفقرا ء بے شک عشق دے ملک دا میراے
نور چمکدا ہا چہرے توں ہا جو بدر منیر اے
اہدن لوک مرید جو سئیں دے ہجر کیتے دل گیراے
وقت وصال دے سئیں توں پچھ تے آن لتھی تقدیر اے
ہجر والے صدمات کنوں ہر ہک دا حال ظہیراے
سیّد صبغت اللہ شاہ سئیں ربّ دا خاص فقیر اے
مومن کان انعام خدا دا کفر کیتے شمشیر اے
ہے بابے دے علم دا وارث ملک دی توقیر اے
سیّد علی رضا سئیں سوہنْا جعفر سئیں دا ویراے
اہدن بابے سئیں دی رکھسوں دل د ے وچ تصویراے
سیّد علی رضا سئیں اہدن قسمت کان کریر ائے
سارا حال سنْریساں غم دا درد بھری تقصیر اے
ابنِ بے رنگ ظالم ہوندے ہجر فراق دا تیر اے
ڈوجٖھا بحر
غور فکر دے نال سنْرو سئیں درد سبھو اظہارے
صدمے دا کوئی انت نہیں سئیں ڈٖیکھو عین نظارے
سیّد فارو ق احمد شاہ سئیں نکھڑ گٖیا دل دارے
شاہ آباد شریف دے اندر سوہنْرے دا دربارے
شاہ آباد شریف دے نیڑے شہر گڑھی اختیارے
خان پور شہر کٹورہ کوں تحصیل اکھیندن سارے
نوشہرہ ہے ضلع ساڈٖا ہنْ جو رحیم یارے
صوبہ خاص سرائیکی ساڈٖا جانْے یار اروارے
کینویں رخصت تھیا مرشد اے حال سنیْرینداں سارے
ہا انسان عظیم انوکھا سوہنْاں گُل رُخسارے
سورت سیرت وچ لاثانی شرماون چن تارے
کیا تعریف کراں سئیں دی ہا ہر ہک نال پیارے
عاشق پاک رسول اللہ دا مخلص خوش گفتارے
آن مرید مِلن تاں تھیون دلڑیاں باغ بہارے
علم عرفان دا خاص سمندر نہ کوئی کنی کنارے
سئیں دی شان ئِ چ لکھنْ سانگے علم بہوں درکارے
ذہن اجازت ڈٖیندا نئیں کیا کراں عرض پیارے
سیّد فاروق احمد شاہ سئیں بٖہوں اُچی سرکارے
اونوے سیّد ہوندے کاکا دنیاں دا سردارے
جئیں سیّد دی عزت کیتی تھی گیُس بیڑا پارے
ابنِ بے رنگ منگ دُعانواں مرشد سئیں دے بارے
مدنی سئیں دے قرب ئِ چ ہوون صدقہ ابرارے
۔۔۔
نصیب دنیاں دی سیر ہووے
نہ سئیں مخالف دا ویر ہووے
جو ابنِ بے رنگ نبی ؐ دے صدقے
سئیں صبغت اللہ دی خیر ہووے
۔۔۔
ایں ظاہری زندگی دا ایجھا آغاز ہووے
جو باطن دی زندگی وِچ فقراء دا ناز ہووے
شبیر ابنِ بے رنگ دلوں دُعا کرینداں
سیّد علی رضاء دی عمردراز ہووے
انسانیت دے قدرائو مطلب کوں جانْ گھندے
علم و عمل جو بے شک جمدیو جو دانْ گھندے
شبیر ابنِ بے رنگ اہل اللہ لوک اہدن
مرشد کوں جو سنجانڑے او اربّ کوں سنجانْ گھندے