وھاٹس ایپ گروپ: دیــــــــارمیـــــــــــر
سلسلہ : گـــــــرہ لـــــــگائیں
تاریخ : 2.4.2024
مصرع نمبر : 272
گرہ لگائیں: ان دنوں جانے کیا ہوا ہے مجھے
پورا شعر :
دوستی کا بھرم ہی توڑ دیا
ان دنوں جانے کیا ہوا ھے مجھے
(مونی گوپال تپش)
گـــــــــرہیں:
دل کو کوئی خوشی نہ غم ھے اب
ان دنوں جانے کیا ہوا ھے مجھے
(احمد کمال حشمی)
کیوں طبیعت اُچاٹ رہتی ہے
ان دنوں جانے کیا ہوا ھے مجھے
(جہانگیر نایاب)
ہر کوئی سانپ لگ رہا ہے مجھے
ان دنوں جانے کیا ہوا ہے مجھے
(اشرف یعقوبی)
خودسےبھی روٹھا روٹھا رہتا ہوں
اِن دِنوں جانے کیا ہوا ہے مُجھے
(م ، سرور پنڈولوی)
چیخ امّت کی سنکے ہنستا ہوں
ان دنوں جانے کیا ہوا ھے مجھے
(اصغر مودّتی)
یاد آنے لگے ہیں سارے گناہ
ان دنوں جانے کیا ہوا ہے مجھے
(غزالہ تبسم)
آپ کی یاد بھی کم آنے لگی
ان دنوں جانے کیا ہوا ہے مجھے
(اطہرؔ مرشدآبادی)
جی کرے لڑ پڑوں خدا سے میں
ان دنوں جانے کیا ہوا ہے مجھے
{حسام الدین شعلہ}
سارے احساس مرگئے شاید
ان دنوں جانے کیا ہوا ہے مجھے
(شیما نظیر)
خوف خود سے ہی لگ رہا ہے مجھے
ان دونوں جانے کیا ہوا ہے مجھے
(اصغر شمیم)
تُو ہی تُو چار سُو نظر آۓ
ان دنوں جانے کیا ہوا ہے مجھے
(رفیق قاضی)
مجھ کو اپنی خبر نہ تیری کچھ
ان دنوں جانے کیا ہوا ہے مجھے
(محمد نذرالحسن شاذ)
یوں لگے کوئی دیکھتا ہے مجھے
ان دنوں جانے کیا ہوا ہے مجھے
(شفیق محسن)
بے سبب ہی اداس رہتا ہوں
ان دنوں جانے کیا ہوا ہے مجھے
(سہیل اقبال )
دشمنوں پر بھی پیار آتا ہے
ان دنوں جانے کیا ہوا ہے مجھے
(نثاردیناج پوری)
قرب بھی باعث سرور نہیں !
ان دنوں جانے کیا ہوا ہے مجھے
(احمد مشرف خاور)
باتوں باتوں میں لڑنے لگتا ہوں
ان دنوں جانے کیا ہوا ہے مجھے
(مقصود عالم رفعت)
شب سے ڈرتاہوں,روز سے خائف
ان دنوں جانے کیا ہوا ھے مجھے
(حسن آتش چاپدانوی)
مجھ کو رنگین خواب آتے ہیں
ان دنوں جانے کیا ہوا ہے مجھے
(احمد صادق سعیدی)
اچھی باتیں خراب لگتی ہیں
ان دنوں جانے کیا ہوا ہے مجھے
(شمشاد علی منظری)
آج کل بھولنے لگا ہوں تُجھے
اِن دنوں جانے کیا ہوا ہے مُجھے
(امتیاز خان)
خواب آنکھوں سے جیسے روٹھ گیا
ان دنوں جانے کیا ہوا ہے مجھے
(نسیم فائق)
خود ہی خود سے الجھتا رہتا ہوں
ان دنوں جانے کیا ہوا ہے مجھے
(حماد احمد حماد)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتخـــــاب: احمد کمال حشمی (ایڈمن)