(Last Updated On: ستمبر 21, 2023)
پڑھے نعت دل میرے اندر بڑا خوش
کِتے آ ای جاوے نہ باہر بڑا خوش
مدینے دا بن کے مسافر بڑا خوش
مِری سوچ دا اج کبوتر بڑا خوش
جو انگلاں چوں آقا سمندر چلائے
بڑا خوش خیالاں دا لشکر بڑا خوش
انہانوں جدوں نعت دی پگ بنھوناں
مِرے تے سدا رہن اکھر بڑا خوش
کھُرا تیری ڈاچی دا جد اس تے جمیا
بڑا خوش مِرے دل دا پتھر بڑا خوش
بڑا خوش گدا جام ہتھاں چوں پی کے
تری اکھ توں پی پی کے کوثر بڑا خوش
میں اعجازؔ روضے دے ساہویں کھلو کے
بڑا روندا رہناں میں ہاں پر بڑا خوش
