(Last Updated On: )
اشارہ بند تھا، وہ سگنل پر رک گیا۔ چند افراد اس کی طرف دیکھ کر ہنسنے لگے۔ اس کا مذاق اڑانے لگے۔ دیکھنے میں عجیب لگتا تھا۔ کندھے پر سکول بیگ اور بازوؤں کے درمیان پاپڑوں کے بہت سے پیکٹ…اب وہ جوش سے بولا،
”اس میں ہنسنے والی کیا بات ہے …؟میرے ابو اللہ کو پیارے ہو گئے … میری امی محلے میں دکان چلاتی ہے …ہم محنت کر کے کھاتے ہیں …“
مذاق اڑانے والوں کو سانپ سونگھ گیا۔ اچانک دھڑام کی آواز آئی۔ پاس کھڑے ایک جوان بھکاری نے نہ جانے کیوں اپنا کاسہ توڑ دیا تھا…!
٭٭