(Last Updated On: )
پاس اپنے جو ہیں وہ اپنے ہیں
اور جو دور ہیں وہ سپنے ہیں
وہ جو دل کی زباں سمجھتے ہیں
ساتھ جیتے ہیں ساتھ مرتے ہیں
کچھ بھی ہو جائے وہ نہیں رہتے
ایک پل دور دل کی راہوں سے
ایسے دلدار ہی تو اپنے ہیں
اور جو ہوتے ہیں خیالوں میں
چاندنی رات کے نظاروں میں
رنگ و بُو سے بھری بہاروں میں
صبح کے نور میں ستاروں میں
دل کی دنیا کے سبزہ زاروں میں
وہ بھی ہم راز ہیں مگر ہمدم
ایسے ہم راز صرف سپنے ہیں
پاس اپنے جو ہیں وہ اپنے ہیں
اور جو دور ہیں وہ سپنے ہیں
٭٭٭