<p dir="rtl">ہندوستان کے نام !<br /> ( محترم حسین الحق کے حکم کی تعمیل میں )<br /> کہانی ختم ہونے جارہی ہے<br /> لوگ کہتے ہیں<br /> کوئی ایوان میں مضراب پر وہ نغمہء افسوں سناتا ہے<br /> جسےسن کرہوائےنیل وسبزوارغوانی کانپ جاتی ہے<br /> ستاروں کی چمک معدوم ہوتی ہے<br /> رخ مہتاب پرگنج شہیداں اشک بھرتا ہے<br /> کوئی دربارمیں شطرنج کےمہرے بچھا کر<br /> آتشیں فنجان میں زہراب دیتاہے<br /> کوئی میدان میں تاشابجاتا ہے<br /> سگان کوچہ وبازار لےپررقص کرتے ہیں<br /> زمیں کی تیرگی سےآسماں میں دھند چھائی ہے<br /> درختوں، پیڑپودوں، باغبانوں پر<br /> نگاہ آمرانہ سےصدائےسنگ آتی ہے<br /> خیال ِآرزو رو رو کی اپنی جان دیتا ہے<br /> لباس ِفاخرہ پرسیمیائی تیرچلتا ہے<br /> جمال شہرکےاعزاز یکتائی کا تمغہ ٹوٹ جاتاہے<br /> کہانی آخری منزل میں آپہونچی ہے<br /> اس میں جھوٹ کتنااورسچ کیاہے<br /> کہ ہر قصےمیں صدق وکذب سےہی داستاں میں رنگ آتاہے<br /> یہاں پر نظم کا انجام ہوتا ہے<br /> مگراب دوسری اک نظم کاآغازہوتاہے<br /> کہانی ختم ہونےسے بہت پہلے<br /> خبر دیتی ہےاپنے ناظرین وسامعیں کو<br /> اور کہتی ہے<br /> ابھی وقفہ ہوا ہے<br /> درمیانی مرحلہ اک ہے<br /> ہزاروں موڑ اور ابواب ہوتے ہیں<br /> کئی قصے ، کئی کردار ہوتے ہیں<br /> جو درد ِعشق کی رودادکی تفسیرکرتے ہیں<br /> فسانے حسن کے ، جور و ستم کے<br /> آہ وزاری ، اشکباری کےسناتے ہیں<br /> سر بازار لیلی ماتمی پوشاک پہنے<br /> ابر آنکھوں میں سجائے،بال کھولے<br /> سرپٹکتی ، پوچھتی ہے<br /> کیا کہیں جاویدکودیکھاکسی نے دشت ہجراں میں<br /> منادی یہ<br /> کہ جیسےسن پچھترمیں ہواہنگامہ ء محشر<br /> کوئی مجنوں تلاش ِحسن میں گرشاہراہ ِعشق میں نکلے<br /> حصار خیمہءآتش میں اس کوزیست کرنا ہے<br /> یہی زندہ اسیری ہے<br /> مگر یہ سچ<br /> اگر ہو حکم ہم کوآگ کی دنیامیں رہنا ہے<br /> کہیں گے ہم<br /> یہ لب خاموش ہیں<br /> دل میں ہزاروں نقش ہائےخواب رکھتے ہیں<br /> لہو میں گردش وگریہ کی بھی تعبیررکھتے ہیں<br /> پس دیوار کردینا، ہمیں آثار کردینا<br /> گھروں پرلشکرِطوفان سےیلغارجب ہوگی<br /> در و دیوار روئیں گے<br /> گھروں سے زخم دل کی تختیاں لکھی ہوئی<br /> سینے سے لٹکائےہوئے عشاق نکلیں گے<br /> گلے سے طوق گمنامی بھی توڑیں گے<br /> کہیں گے<br /> آب و دانہ ہی نہیں کافی<br /> جبیں پرہرطرح کےپھول رکھنےکی اجازت ہو<br /> فراز ِجسم جب سینہ سپرہوگا<br /> رو پہلی دھوپ سورج کی<br /> دھواں بن کر گلی کوچےمیں گھومے گی<br /> مگر کب تک<br /> آسے اک دن<br /> سوال منظرِوحشت زدہ کاسامنا ہوگا<br /> فرنگی کی نیابت کوثبات ِزندگی سمجھا<br /> فریب زندگی کو کیوں عروجِ بندگی سمجھا<br /> کہانی زندگی ہے<br /> زندگی خود اک کہانی ہے<br /> ابھی آغاز ہے ، انجام ہے<br /> یا درمیاں ہے یہ<br /> کہ ہر پل قصہ ء درویش جاری ہے</p> <p dir="rtl"> </p>
